Në mungesë të sulmuesve, Carlo Ancelotti nuk ka zgjidhje tjetër veçse t’i shpikë.

Marshimi i Karim Benzema drejt Arabisë Saudite ka lënë një vakum shumë të rëndësishëm në fazën sulmuese të një Real Madridi që e ka vetëm Joselu si nëntë të pastër pasi Alvaro Rodriguez , lojtari i skuadrës së të rinjve, nuk ka udhëtuar në Los Angeles për shkak të një vendimi teknik.

Trajneri italian do të ndryshojë sistemin e lojës duke luajtur me një 4-3-3. 4-4-2 është një formacion tjetër që Carletto e ka provour, me Jude Bellinghamin në qendër të sulmit.

Mesfushori anglez, i nënshkruar nga Borussia Dortmund për 103 milionë euro plus 27 të tjera në bonuse, shquhet, ndër të tjera, për ardhjen e tij të fuqishme në zonë nga rreshti i dytë dhe për aftësinë e tij për të goditur portën.

Vitin e kaluar, pa shkuar më tej, ai bëri një hap në realizimin e golave, duke shënuar 14 gola në 42 ndeshje, tetë më shumë se sezonin e shkuar.

Italiani testoi anglezin në qendër të sulmit në seancën e djeshme, duke formuar një treshe me Vinicius dhe Brahim. Në ekipin tjetër sulmues ishin Rodrygo, Joselu dhe Arda.

Roli i ri i Bellingham nuk është aspak shpikja e parë e Ancelottit si trajner i Real Madridit.

Në sezonin e tij të parë, 2013/2014, ai zgjodhi të transferonte Angel Di María në mesfushë në mënyrë që t’i linte vend BBC-së me të sapoardhurin e atëhershëm Gareth Bale.

Vitin e kaluar, pa shkuar më tej, Carletto e vendosi Camavingan si mbrojtës të majtë në shumë ndeshje për shkak të lëndimeve afatgjata të Ferland Mendy dhe David Alaba./kk