Presidentja e Kosovës, Vjosa Osmani nuk do ta nënshkruajë Ligjin për Pagën Minimale përpara se Gjykata Kushtetuese ta shqyrtojë kushtetutshmërinë e këtij ligji.
Një gjë të tillë e ka bërë të ditur këshilltari për media i presidentes Osmani, Bekim Kupina.
Kupina ka bërë të ditur se presidentja Osmani sot është njoftuar nga Kushtetuesja se Grupi Parlamentar i AAK-së dhe dy deputetë të tjerë kanë kërkuar shqyrtimin e kushtetutshmërisë së Ligjit për Pagën Minimale.
“Rrjedhimisht, presidentja Osmani nuk do ta nënshkruajë këtë ligj, përpara se të kryhet shqyrtimi në Kushtetuese”, tha Kupina.
Ligji për Pagën Minimale u miratua në Kuvend javën e kaluar, derisa përveç partive opozitare ai u kundërshtua edhe nga veteranët e luftës, ngase me ligjin e plotësuar nuk parashihet lidhja e pagës minimale me pensionin e veteranëve të UÇK-së./rtk
PDK kërkon seancë për shkarkimin e bordit të RTK-së
Shqiptarët e nisin protestën në Preshevë për shkelje nga Ser...
Presidenti Begaj takohet me të Dërguarin e Posaçëm të Kryemi...
Tahiri: Kosova është në listë të zezë për ndërkombëtarët
Oriola Marashi, e ‘zjarrtë’ në të kuqe
I shënoi dy gola Strasbourg-ut, Zhegrova në formacionin e ja...