De Gea e refuzon Interin, e preferon Atleticon ose Arabinë

13:17 | 21 Korrik 2023
KRG

Sipas mediumit britanik “The Sun” në orët e fundit, Interi e ka bërë tentativën e fundit për David De Gean.

Portieri spanjoll u nda me Manchester Unitedin më 30 qershor kur i skadoi kontrata, ndërsa “Djajtë e Kuq” e gjetën menjëherë zëvendësin e tij, Andre Onanan, të cilin e blenë pikërisht nga “Nerazzurri”.

Ish-portieri i Atletico Madridit e refuzoi një rrogë prej 5 milionë eurosh për një vit, të cilën ia ofroi nënkampioni evropian.

Gjithnjë sipas mediumit anglez, De Gea mund të rikthehet në Atletico Madrid, klub në të cilin është rritur dhe zhvilluar.

Natyrisht, në Madrid përfaqësuesi spanjoll do të merrte më pak para.

Ndërkohë, ai e ka në opsion edhe transferimin në Arabinë Saudite, me disa klube që kanë shfaqur interesim për të.

Me këtë rast, De Gea do të bëhej portieri me rrogën më të lartë në botë.

Shpërndaje në rrjete sociale

Lajmet më të lexuara

Të ngjashme

Foto lajm