Google ADS

Aubameyang bëhet me ekip të ri 

14:38 | 19 Korrik 2023
KRG

Pierre Aubameyang do t’i bashkohet Olympique Marseillet si lojtar i lirë nga Chelsea.

Palët janë marrë vesh dhe sulmuesi gabonez do të nënshkruajë kontratë trevjeçare, deri në qershor 2026 me ekipin francez, mëson eksperti i transfereve, Fabrizio Romano

Ish-futbollisti i Milanit, Borussia Dortmundit, Arsenalit dhe Barcelonës e preferoi më shumë klubin nga Ligue 1 sesa ato nga Arabia Saudite, përkundër ofertave të majme që i erdhën nga Saudi Pro League.

Futbollisti afrikan do të udhëtojë sonte drejt Gjermanisë, aty ku Marseille po e kryen fazën përgatitore për sezonin e ri.

34 vjeçari pritet t’ju nënshtrohet vizitave mjekësore të enjten dhe më pas do të zyrtarizohet marrëveshja.

Javë më parë spekulohej për një rikthim të tij në Barcelonë, por një gjë e tillë nuk ndodhi dhe futbollisti i lindur në Francë do ta provojë përsëri eksperincën në Ligue 1, ku kishte luajtur me Dijonin, Lillen, Monacon dhe Saint-Etiennen.

Shpërndaje në rrjete sociale

Lajmet më të lexuara

Të ngjashme

Foto lajm