Kampioni i Premier Leagu, Manchester City thuhet se po planifikon një lëvizje shokuese për Raphinha nëse Riyad Mahrez largohet nga klubi këtë verë.

Mahrez ka qenë shumë i lidhur me një lëvizje në Arabinë Saudite dhe nëse 32-vjeçari largohet nga Etihad, Pep Guardiola ka caktuar krahun e Barcelonës Raphinha si një zëvendësues të mundshëm.

Sipas gazetës franceze Foot Mercato, sulmuesi anësor braziliani i Barcelonës është një “prioritet” për Sky Blues dhe trajnerin Guardiola.

Raporti shton se Barcelona duhet të mbledhë 60 milionë euro deri më 31 gusht në mënyrë që të regjistrojë nënshkrimet e vitit të kaluar, që do të thotë se një marrëveshje mund të funksionojë për të dyja palët.

Për të mos përmendur përvojën e Raphinhas në Ligën Premier, pasi kishte kaluar më parë dy sezone me Leeds United ku shënoi 17 gola dhe dha 12 asistime në 65 paraqitje në ligën më të mirë.

City tashmë ka humbur kapitenin e tyre Ilkay Gundogan, i cili iu bashkua Barcelonës falas. Ndërkohë, Kyle Walker, Bernardo Silva dhe Mahrez të gjithë janë përfolur për një largim.

Nga ana tjetër, kampionët në fuqi të Anglisë mund të kenë nevojë të ‘zhyten’ në tregun e transferimeve për t’u siguruar që janë të përgatitur për të luftuar në të gjitha frontet sezonin e ardhshëm. /Telegrafi/