Google ADS

Shqipëria nën temperatura përvëluese më e larta arrihet në Berat me 40 gradë

15:49 | 15 Korrik 2023
K.B

Temperatura përvëluese po ndjehen më shumë se kurrë në Shqipëri. Për këtë të shtunë, Berati dhe Elbasani kanë shënuar temperaturat më ekstreme. Piku u arrit në Berat me 40.4 gradë Celcius dhe në Elbasan me 40.2 gradë Celcius.

Moti i nxehtë që ka mbërthyer territorin prej të martës e pati pikun ditën e premte. Në Kuçovë u regjistrua edhe temperatura më e lartë me 41.4 gradë Celcius, pasuar nga Berati dhe Elbasani.

Edhe dita e dielë parashikohet të jetë me mot të nxehtë, ku maksimalja do jetë rreth 40 gradë Celcius. Sipas meteorologëve, nga e hëna e ardhshme për 5 ditë më radhë, na presin ditë edhe më të nxehta.

Kulmi i nxhehtësisë pritet të shënojë rreth 42 gradë c të enjten dhe të premten e ardhshme. Kjo valë aspak e zakonshme ka përfshirë thuajse gjithë shtetet e Europës Jugore./tvklan.al

Shpërndaje në rrjete sociale

Lajmet më të lexuara

Të ngjashme

Foto lajm