Haradinaj përkrah protestën e Veteranëve: Jam me të gjithë ata që protestojnë në sheshet e Prishtinës

15:36 | 15 Korrik 2023
K.B

Kryetari i AAK-së, Ramush Haradinaj, i ka bërë thirrje kryeministrit Albin Kurti, të mos e ndajë e mos e përçajë popullin, por t’i lë njerëzit të protestojnë për të drejtën e tyre.

Me anë të një postimi në Facebook, Hardinaj i thotë Kurtit se nuk e kanë fajin veteranët, as shoqëria civile, as mediat, as gazetarët e as opozita, por e ka vet që nuk po qeverisë me vendin, por po mundohet ta sundojë atë.

“Albin Kurti, tërhiqi mbrapshtë sejmenët e tu. Lëri njerëzit të protestojnë për të drejtën e tyre dhe mos e ndajë e mos e përçajë popullin.
Ato që dikur e ke shfrytëzuar si të drejta per vete, (protestat e demonstratat) mos provo t’ua ndalosh të tjerëve. Nuk ta kanë fajin veteranët, as shoqëria civile, as mediat, as gazetarët e as opozita! Fajin e ke vet që nuk po qeverisë me vendin, por po mundohesh ta sundosh atë”, ka shkruar ai.

Tutje ai tha se sot është me të gjithë ata që protestojnë në sheshet e Prishtinës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm