Google ADS

Osmani: Tani presim që BE-ja t’i tërheq masat ndaj Kosovës

11:16 | 13 Korrik 2023
K.B

Presidentja e Kosovës, Vjosa Osmani, e ka vlerësuar lajm të mirë marrëveshjen me Bashkimin Evropian për hapat drejt shtensionimit të situatës në veri.

E para e shtetit ka deklaruar se të gjitha veprimet e institucioneve të Kosovës janë të koordinuara me aleatët, teksa ka thënë se tani pret që BE-ja t’i tërheq masat e vendosura ndaj Kosovës.

“Shpresojmë që BE-ja t’i tërheqë masat të cilat janë ndërmarrë ndaj Kosovës padrejtësisht dhe ne të kemi më shumë sukses në dialog”, ka thënë Osmani në një deklaratë për media gjatë vizitës në Universitetin Veror të UP-së.

Duke folur për procedurën e përgatitjes së zgjedhjeve, presidentja ka thënë se nuk ka nevojë për shumë kohë.

“Ligjet tona e japin mundësinë për organizimin e zgjedhjeve dhe ne do të vepërojmë sipas obligimeve kushtetuese”, ka shtuar ajo.

Presidentja ka rikujtuar se në zgjedhjet e mbajtura më 23 prill serbët nuk morën pjesë për shkak të presionit dhe shantazheve nga kreu i shtetit serb, Aleksandar Vuçiq./rtk

Shpërndaje në rrjete sociale

Lajmet më të lexuara

Të ngjashme

Foto lajm