Google ADS

Policia e Kosovës nis reduktimin e pjesëtarëve të saj nga objektet komunale në veri

22:30 | 12 Korrik 2023
E.H

Policia e Kosovës ka filluar që ta zbatojë vendimin e marrëveshjes së arritur dy ditë më parë në Bratislavë.

Lajmin për Arbresh.info e ka konfirmuar zëvendës-drejtori i Policisë së Kosovës për Mitrovicën e Veriut, Veton Elshani.

Bëhet fjalë për zvogëlimin e menjëhershëm për 25 për qind të prezencës policore në dhe rreth ndërtesave komunale në veri të Kosovës.

“Pas pranimit të vendimit të Qeverisë nga ana e Menaxhmentit të Policisë, i njëjti është dërguar në terren për ekzekutim. Vendimi i Qeverisë së Kosovës ka filluar të zbatohet”, ka thënë Elshani.

Kujtojmë se kjo marrëveshje është arritur të hënën ndërmjet zëvendëskryeministrit të Kosovës, Besnik Bislimi, dhe të Dërguarit të Posaçëm të BE-së për dialogun Kosovë-Serbi, Miroslav Lajçak./Arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm