Në mbledhjen e sotme të 148-të me radhë të Qeverisë së Republikës së Kosovës është miratuar strategjia për parandalimin dhe luftimin e terrorizmit 2023-2028 si dhe planin e veprimit.
Ministri i Punëve të Brendshme, Xhelal Sveçla në fjalën e tij të rastit për prezantimin e kësaj strategjie tha se ngjarjet e fundit në veri tregojnë se kërcënues janë ndaj jetës, pronës dhe vlerave demokratike.
Sipas tij, ngjarjet e fundit në veri duhet të kenë si përgjigje kundërshtimin, parandalimin dhe luftimin institucional të të gjitha formave të terrorizmit.
“Këto zhvillime vendore dhe ato ndërkombëtare kanë imponuar nevojën për hartimin e një dokumenti strategjik që është gjithëpërfshirës dhe që mundëson forcimin e reagimit të institucioneve dhe shoqërisë tonë kundrejt këtyre dukurive. Strategjia përcakton avancimin e politikave shtetërore, pra paraqet një politikë të bashkërenduar institucionale”, u shpreh ai.
Ministri tutje tha se strategjia bazohet në katër objektiva kryesore: parandalimin, mbrojtjen, ndjekjen dhe reagimin./Arbresh.info
Tre të vrarë, 14 të plagosur në një sulm në kompaninë turke ...
Nesër seanca e jashtëzakonshme për skandalet në KEK
Rezi: Të premten del Gresa
Austin: Ekzistojnë prova për dërgimin e trupave koreano-veri...
“Në BE, në 2030”, Rama: Shqipëria zgjohet dorë për dore me B...
Hovenier bën thirrje për proces të hapur e gjithëpërfshirës ...