Kurti e Mehaj kanë vizituar kazermën Skënderbeu në Ferizaj

11:14 | 29 Qershor 2023
K.B

Kryeministri i Kosovës, Albin Kurti bashkë me ministrin e Mbrojtjes, Armend Mehaj kanë vizituar kazermën Skënderbeu në Ferizaj.

Me anë të një postimi në Facebook nga ministri Mehaj, bëhet e ditur se disa grupe nxënësish po ndjekin ligjëratat e njëkohësisht po zhvillojnë dhe aktivitetet praktike në kuadër të pilotprojektit të lëndës Edukim për Siguri, që pritet nga shtatori të jetë pjesë e programit mësimor për më shumë se 2000 nxënës.

“Përmes kësaj lënde nxënësit do të marrin njohuritë elementare mbi sigurinë dhe mbrojtjen, me qëllimin që krahas shkathtësive dhe pandashëm nga edukimi i tyre arsimor të kultivojnë dhe ndjenën e shërbimit ndaj atdheut, si obligim moral ndaj vendit”, ka shkruar Mehaj.

Mehaj ka falënderuar Qeverinë dhe Ministrinë e Arsimit, Shkencës dhe Teknologjisë për bashkëpunimin e mbështetjen e ofruar në këtë projekt madhor për të ardhmen e vendit./Arbresh.info/


Shpërndaje në rrjete sociale

Lajmet më të lexuara

Të ngjashme

Foto lajm