Policia shpërndan disa pako ushqimore për disa familje në nevojë në Ferizaj

19:40 | 23 Qershor 2023
K.B

Policia Rajonale në Ferizaj ka ndarë pako ushqimore për disa familje në nevojë në këtë komunë.

Në njoftimin e policisë thuhet se kjo është bërë në bashkëpunim me komunën dhe përfaqësues të Qendrës për Punë Sociale në Ferizaj, ku i shpërndanë 30 pako ushqimore në vlerë prej 100 eurosh, për 30 familje.

Pakot janë siguruar nga mjetet e grumbulluara gjatë realizimit të minimaratonës “Vrapojmë me Policinë Tonë”, që është mbajtur të hënën e kaluar për nder të Sitës së Çlirimit të Ferizajt dhe vitit jubilar 150-vjetorit të Themelimit të Ferizajt.

“Ky aktivitet, kishte qëllimin human, sportiv dhe rekreativ. Drejtoria Rajonale e Policisë në Ferizaj i falënderon të gjithë ata që morën pjesë në minimaratonën dhe participuan duke e blerë nga një fanellë dhe që me këto mjete siguruan pakot ushqimore për disa familje në nevojë”, thuhet në njoftimin e policisë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm