Tejkaluan në vijë të plotë, 150 euro gjobë ndaj dy personave dhe marrje e patentë shoferit për tre muaj

12:18 | 22 Qershor 2023
E.H

Dy vozitës duke drejtuar automjetin e tyre në aksin rrugor Gjilan-Prishtinë, kanë tejkaluar në vijë të plotë duke rrezikuar kështu pjesëmarrësit e tjerë në komunikacion.

Gjatë tejkalimit, ata janë fotografuar nga një qytetarë ku më pas i ka dërguar fotot në e-mail adresën e Policisë së Kosovës.

“Njësiti rajonal i komunikacionit rrugor Gjilan përmes veprimeve operative ka arritur që ti identifikoj kundërvajtësit ndaj të cilëve janë shqiptuar gjoba në vlerë prej njëqind e pesëdhjetë (150) euro, dy (2) pikë negative dhe masën mbrojtëse të heqjes së patentë shoferit në afat prej tre (3) muaj”, thuhet në njoftim.

Drejtoria rajonale e Policisë në Gjilan, inkurajon mediat dhe qytetarët që për të gjitha kundërvajtjet mund të njoftojnë stacionin më të afërm të Policisë, apo përmes aplikacionit digjital “Lajmëro Policinë’’, E-mail: [email protected] dhe numrat kundestarë:192; 03850807001. Të dhënat e juaja do të ruhen ne konfidencialitet të plotë/Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm