Kërkesat e majme të Wijnaldum konsiderohet shumë të larta për klubet saudite

08:01 | 21 Qershor 2023
E.H

Georginio Wijnaldum raportohet se është duke e tepruar me kërkesat e tij për t’u transferuar në Arabinë Saudite.

Holandezi e kaloi sezonin e kaluar si huazim te Roma, mirëpo do të kthehet te klubi që e pronëson, Paris Saint-Germain, para fillimit të sezonit të ri.

Megjithatë, gjasat që mesfushori të luajë të kampioni francez janë të vogla, pasi drejtori Luis Campos dëshiron të ndërtojë një skuadër që do të sfidojë për Ligën e Kampionëve.

Holanda dhe Arabia Saudite janë përmendur si destinacionet potenciale të Wijnaldum, mirëpo sipas Get French Football News, ai është duke kërkuar pagë të majme për t’u transferuar te ndonjëri nga klubet e Saudi Pro League, shkruan telegrafi.

Ai përfiton 10 milionë euro në viti te PSG, ndërsa kërkon kontratë shumë luksoze, gjë që mund ta bllokojë transferimin e 32-vjeçarit.

Shpërndaje në rrjete sociale

Lajmet më të lexuara

Të ngjashme

Foto lajm