Ardian Muja, goditja e radhës e Prishtinës

13:10 | 16 Qershor 2023
K.B

FC Prishtina ka vazhduar me transferimet e reja.

Kryeqytetasit zyrtarisht kanë transferuar Ardian Mujën e Trepçës ’89.

Klubi përmes një njoftimi, ka zyrtarizuar blerjen e re. 25 vjeçari me Prishtinën ka firmosur kontratë dy vjeçare.

“Futbollisti i shumë pozitave në fushë, Ardian Muja, 25 vjeç, ish-futbollisti i Trepçës në gjashtë edicionet e fundit, së fundmi edhe kapiten, i Trepçës ’89, ka nënshkruar për dy vite me ekipin tonë. Në edicionin e fundit, Muja ka shënuar 6 gola dhe 2 asistime”, thuhet në njoftimin e Prishtinës.

Ndërkaq, Muja duke folur për herë të parë si lojtar i skuadrës “bardhekaltër”, tha se ndihet i lumtur që është bërë pjesë e klubit më të madh në vend.

“Nuk e pata të vështirë fare të pranoja ofertën “bardhekaltër”. Realisht Prishtina është klubi më i madh në Kosovë. Normalisht e ndjej vetën të gatshëm të marrë mbi supe skuadrën dhe të jap më të mirën, të jap maksimumin dhe pse jo të rikthejmë edhe titullin e kampionit në kryeqendër”, ka thënë Muja.

Shpërndaje në rrjete sociale

Lajmet më të lexuara

Të ngjashme

Foto lajm