Google ADS

Hoxhaj takon ambasadorin francez Guérot, flasin për situatën në veri të Kosovës

10:20 | 16 Qershor 2023
K.B

Nënkryetari i Kuvendit të Kosovës, Enver Hoxhaj ka pritur në takim ambasadorin e Francës në Kosovë, Olivier Guérot, me të cilin kanë biseduar rreth zhvillimeve të fundit në veri të Kosovës.

Hoxhaj, përmes një shkrimi në rrjetin social Facebook, ka njoftuar se ka pritur në takim ambasadorin e Francës në Kosovë, Olivier Guérot dhe biseduan për zhvillimet e fundit politike dhe ngjarjet në veri.

Hoxhaj, thotë se deeskalimi i situatës në veri dhe lirimi i tre policëve të Kosovës, të rrëmbyer nga Serbia, është tejet i nevojshëm tani dhe bëri thirrje që të ndërmerren sa më parë hapa për t’u ulur tensionet atje.

“Prita në takim ambasadorin e Francës në Kosovë, z. Olivier Guérot dhe biseduam për zhvillimet e fundit politike dhe ngjarjet në veri. Deeskalimi i situatës atje dhe lirimi i menjëhershëm i tre policëve të Kosovës të rrëmbyer nga Serbia, është tejet i nevojshëm tani. Sa më parë të ndërmerren hapa për t’u ulur tensionet!”, ka shkruar Hoxhaj./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm