Në Kuvendin e Kosovës, kryeministri Albin Kurti është duke raportuar për rrëmbimin e tre policëve kosovarë nga xhandarmëria e Serbinë, si dhe ka kërkuar përgjegjësi nga KFOR-i.

Kurti në foltore ka thënë se KFOR-i nuk duhet të heshtë ndaj hyrjes në territor të Kosovës, nga ushtria speciale e Serbisë.

Po ashtu, sipas Kurtit, me hyrjen e ushtrisë së Serbisë në Kosovë, është shkelur marrëveshja e Kumanovës.

Kurti ka thënë se pret nga ta që ta urdhërojnë Serbinë që menjëherë t’i lirojnë policët e Kosovëës, teksa e ka përmendur edhe një marrëveshja të ish-presidentit Hashim Thaçi me KFOR-in për të mos dërguar ushtrinnë e Kosovës në kufi.

“Mbrojtja e vijës kufitare në pjesën kufitare, është përgjegjësi e KFOR-it dhe Policisë. Në raste kur agresioni është i përmasave ushtarake, përgjegjësia do duhej të ishte e KFOR-it. Kjo ndër të tjera për shkak të mandatit të NATO-s dhe përgjegjësie kur është dakorduar me Thaçin, duke parandaluar shkuarjen e ushtrisë në kufi”, tha Kurti.

“Jemi në pritje nga KFOR-i, që ta marrë përgjegjësinë efektive për ushtrimin e mbrojtëses, duke e urdhëruar Serbinë që t’i kthej në Kosovë policët e kidnapuar dhe ta ndëshkojë shkeljen flagrante të sovranitetit tonë por edhe të marrëveshjes së Kumanovës, dje është shkelur marrëveshja e Kumanovës e vitit 1999. KFOR-i nuk duhet të jetë i heshtur e as i përulur ndaj një sulmi kidnapues që e kishte mandat ta parandalonte, nëse KFOR-i e shndërron këtë heshtje në normë, dhe njëfarë nënshtrimi të heshtur, në ligj që dihet publikisht, atëherë një gjë të tillë le të na e thotë hapur dhe ashtu do e mohoj një përgjegjësi ndërkombëtare”, tha Kurti./Arbresh.info

Lexo edhe:

Kurti: Serbia dërgoi njësitet elitare për të arrestuar policët tanë që luftonin kontrabandën