Është arrestuar Milun Milenkovic- Llune, një nga organizatorët e sulmeve ndaj pjesëtarëve të KFOR-it në protestat që u mbajtën në veri.
Kështu ka bërë të ditur, ministri i Punëve të Brendshme, Xhelal Sveçla, raporton Arbresh.info.
Përmes një statusi në Facebook, Sveçla ka bërë të ditur se Llune përvec që ka qenë organizatori kryesor i sulmeve ndaj forcave të KFOR-it dhe Policisë së Kosovës në Zveçan, ka vite që është prijësi i bandave kriminale që ndër vite kanë terrorizuar qytetarët dhe kanë sulmuar pjesëtarët e Policisë së Kosovës dhe institucionet e Republikës së Kosovës.
“Policia e Kosovës sot ka arrestuar Milun Milenkovic- Llune, një nga udhëheqësit e formacionit kriminal “Mbrojtja Civile” dhe prijësin e bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës. I njëjti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan. Gjatë arrestimit të tij, janë sulmuar zyrtarët e Policisë së Kosovës me ç’rast tre nga ta janë të lënduar lehtë. Siç edhe e kam theksuar në vazhdimësi, koha e bandave kriminale në veriun e vendit tonë ka përfunduar. Të gjithë individët apo grupet kriminale që kanë cenuar sigurinë dhe rendin kushtetues të Republikës së Kosovës, do të përballen me drejtësinë”, tregon Sveçla./Arbresh.info/
Statusi i plotë:
Sara ndryshon lojën, shpëton nga nominimi Drilonin, e nomino...
Berisha: Më 29 tetor protestë, opozita duhet të udhëheqë me ...
Paralajmërimi i O’Brien: Është momenti që Kosova të përkufiz...
Osmani: Një partneritet i fortë SHBA – Kosovë siguron ...
Leverkuseni është i bindur se Alonso do të nënshkruajë me nj...
Berisha: Kurti po i ikë zbatimit të marrëveshjeve ndërkombët...