U bllokuan në Kanionin e Langaricës, shpëtohen shtatë turistë

16:23 | 12 Qershor 2023
Orgesa Haziri

Shtatë turistë të huaj mbetën për disa orë të bllokuar këtë të hënë në Kanionin e Langaricës në Shqipëri, pasi reshjet e shiut rritën nivelin e ujit.

Lumi i Langaricës rriti prurjet, duke rrezikuar jetën e pushuesve.
Policia në bashkëpunim me shërbimet zjarrfikëse dhe anëtarët e federatës shqiptare “Rafting Albania”, kontrolluan zonën dhe lokalizuan turistët, duke i nxjerrë më pas nga vendi ku ishin bllokuar.

Sipas policisë, të gjithë turistët janë në gjendje të mirë shëndetësore.

Në fund të muajit maj, një grua nga Gjermania humbi jetën në kanion, pasi e mori rrjedha e ujit.
Bashkëshorti i saj 72-vjeçar mundi të shpëtojë./TCH/

Shpërndaje në rrjete sociale

Lajmet më të lexuara

Të ngjashme

Foto lajm