Zëvendësministrja e Mbrojtjes e Ukrainës, Hanna Maliar tha të dielën se diga Khakhovka u hodh në erë nga forcat ruse për të frenuar përparimin e trupave ukrainase në rajonin jugor të Khersonit.
Ukraina ka akuzuar forcat ruse për hedhjen në erë të digës nga brenda hidrocentralit të saj të lidhur me të.
Moska ka fajësuar Ukrainën për shkatërrimin e digës.
Dy palët kanë akuzuar njëra-tjetrën për sulme ndaj civilëve ndërsa kryhen përpjekjet e shpëtimit.
Zv/ministrja Maliar tha në apikacionin Telegram se shpërthimi në digë që shkaktoi përmbytje në disa qytete dhe fshatra, bllokoi banorët dhe shkatërroi shtëpi të tëra, kishte për qëllim gjithashtu vendosjen e rezervave ruse në zonat e Zaporizhzhias dhe Bakhmutit.
Presidenti ukrainas Volodymyr Zelenskiy tha të shtunën se në Ukrainë po kryhen operacione kundërsulmuese dhe mbrojtëse, por nuk dha detaje të mëtejshme.
Një zëdhënës i ushtrisë ka thënë se forcat kundërsulmuese ukrainase kanë përparuar deri në 1400 metra në një numër seksionesh të vijës së frontit pranë qytetit lindor të Bakhmutit./VOA/
Hamza nga Malisheva: Së bashku do të angazhohemi që Kosovën ...
Presidentja e Gjeorgjisë mesazh pro-evropian në mitingun e o...
Nënkoloneli Twigg merr komandën nga nënkoloneli Walden në No...
Elbasan Rashani shënon gol në fitoren e Elches
SPAK-u arreston ish – deputetin Jurgis Çyrbja
Banorët e Bregut të Diellit dhe Matit 1 përballen me mungesë...