Haxhiu për Ligjin e Zgjedhjeve: Sistemi i votimit të bëhet me zona zgjedhore

11:46 | 8 Qershor 2023
E.H

Deputeti i Partisë Demokratike të Kosovës (PDK), Bekim Haxhiu, ka propozuar që votimi për zgjedhjet parlamentare në Kosovë të ndahet në zona zgjedhore.

Para deputetëve, Haxhiu tha se votimi me zona zgjedhore duhet të bëhet me modelin 7+2, ku 7 zonat përfshijnë 7 rajonet kryesore të vendit, dhe dy të tjera janë për diasporën dhe komunitetet pakicë.

“Votuesi duhet të ketë të drejtë të votojë 5 kandidatë në zonën e tij nga subjekti politik që ai voton, dhe 5 kandidatë nga partitë tjera. Deputetët duhet të kenë të drejtë të votohen vetëm në zonat që ata kandidojnë”, tha Haxhiu.

Kjo metodë sipas tij është më e lehtë dhe do e fuqizonte shtetin, njëkohësisht do e rriste kualitetin e përfaqësimit të qytetarëve nga deputetët.

“Kjo është e nevojshme që asnjë komunë të mos mbetet pa përfaqësues të tyre në parlament, ashtu siç ka ndodhur viteve të fundit”, tha Haxhiu.

Një sistem të tillë ku votimi për Kuvend bëhet me zona zgjedhore e ka Shqipëria.

Shpërndaje në rrjete sociale

Lajmet më të lexuara

Të ngjashme

Foto lajm