Veturat e dëmtuara të medieve në Leposaviq, reagon AGK-ja

13:12 | 29 Maj 2023
Emir Abduramani

Asociacioni i Gazetarëve të Kosovës ka reaguar pas dëmtimit të veturave të mediave kosovare në Leposaviq.

Në reagimin e AGK-së thuhet se veturat e “RTV Dukagjinit” dhe të “KALLXO-s”, janë vandalizuar dhe dëmtuar nga protestuesit atje.

“Në videot e publikuar në medie, shihen veturat e RTV Dukagjinit dhe KALLXOs,  me simbolin e motos jozyrtare të serbëve “Samo sloga Srbina spasava” (Vetëm uniteti i shpëton serbët), gomat e shpërthyera, si dhe mbulimin e “Republika  e Kosovës” në targa”, thuhet në reagim.

AGK-ja gjithashtu është shpreur se e dënon këtë akt të protestuesve.

“AGK-ja, e dënon këtë akt të protestuesve, njëherësh u bën thirrje Policisë së Kosovës dhe prezencës ndërkombëtare në Kosovë, që të mundësojnë raportim të sigurtë dhe të papenguar të ekipeve mediale. Njëherësh, AGK-ja,  fton gazetarë për kujdes të shtuar gjatë raportimit nga komunat në të cilat janë vendosur protestuesit”, thuhet tutje në reagimin e AGK-së.

Veturave të KFOR-it dhe Policisë së Kosovës u vendosen mbishkrime dhe flamuj serbë

 

Shpërndaje në rrjete sociale

Lajmet më të lexuara

Të ngjashme

Foto lajm