Rezultatet e para për zgjedhjet në Turqi, prin Erdogani

17:51 | 28 Maj 2023
E.H

Kur ka përfunduar votimi, në zgjedhjet e balotazhit në Turqi, tanimë kanë dalë rezultatet e para.

Kështu, sipas rezultateve të publikuara nga mediat turke, nga 42.78 për qind e votave të numëruara, prin Recep Tayyip Erdogan me 57.09 për qind ndërsa kundërkadidati Kemal Kiliçdaroglu ka 42,91 për qind.

Ndryshe, gjatë ditës së diel në Turqi është mbajtur raundi i dytë i zgjedhjeve presidenciale, ku qytetarët e këtij vendi – me votën e tyre – kanë vendosur se kush do ta drejtojë vendin në pesë vitet e ardhshme.

Raundi i parë i zgjedhjeve u mbajt më 14 maj dhe duke qenë se asnjë kandidat nuk fitoi më shumë se 50 për qind të votave, dy kandidatët kryesorë, presidenti aktual Recep Tayyip Erdogan dhe kandidati kryesor i opozitës Kemal Kilicdaroglu, u desh të përballen sot në raundin e dytë të zgjedhjeve.

Në vendin e tretë ishte Sinan Ogan me 5.17 për qind të votave dhe menjëherë pas zgjedhjeve, Erdogan mori mbështetjen e Sinan Oganit./telegrafi

Shpërndaje në rrjete sociale

Lajmet më të lexuara

Të ngjashme

Foto lajm