Raketat ruse godasin një spital në Ukrainë, raportohet për viktima

11:28 | 26 Maj 2023
Diellza Gashi

Të paktën një person ka vdekur dhe 15 të tjerë janë plagosur në një sulm me raketa në një spital në Dnipro, në lindje të Ukrainës.

Presidenti ukrainas, Volodymyr Zelensky, konfirmoi sulmin dhe tha se autoritetet po punonin për të shpëtuar të tjerët nga spitali, raporton BBC.

Më herët, guvernatori rajonal, Serhiy Lysak, tha se qyteti ishte sulmuar nga raketa dhe dronë.

Zelensky postoi një video të ndërtesës së dëmtuar që tregonte zjarrfikësit në vendngjarje dhe tymin që dilte nga ndërtesa.

“Terroristët rusë konfirmojnë edhe një herë statusin e tyre të luftëtarëve kundër çdo gjëje njerëzore dhe të ndershme,” tha ai.

Autoritetet ukrainase thanë se kanë rrëzuar 17 raketa dhe 31 dronë të lëshuar nga Rusia gjatë natës.

Disa dronë dhe raketa goditën objektivat në qytetet lindore të Dnipro dhe Kharkiv, duke përfshirë një depo nafte.

Shpërndaje në rrjete sociale

Lajmet më të lexuara

Të ngjashme

Foto lajm