Google ADS

Arrestohet i dyshuari që kontrabandoi vaj motorik, fellne e goma të veturës

16:18 | 25 Maj 2023
K.B

Policia e Kosovës ka arrestuar një person i cili dyshohet për kontrabandim të mallrave, konkretisht të disa pajisjeve për vetura.

“Njësia policore gjatë patrullimit në brezin kufitar kanë ndërmarrë masa të nevojshme operativo-taktike duke ndaluar një automjet kombi pa targa, me vozitës të dyshuarin me iniciale (M.K.)”, thuhet në njoftimin e policisë.

Gjatë kontrollit në veturë janë gjetur dhe sekuestruar: 104 pako me vaj motorik, 4 fellne mercedes AMG dhe 6 goma të veturës.

Provat e lartcekura janë proceduar sipas procedurave të parapara, ndërsa i dyshuari me vendim të prokurorit është liruar në procedurë të rregullt.
Sipas policisë, rasti është duke u trajtuar nga njësitet përkatëse policore të Drejtorisë Rajonale Kufitare Veri./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm