Google ADS

Kampionati Evropian i Xhudos zhvillohet në Prishtinë

18:23 | 23 Maj 2023
Orgesa Haziri

Kampionati Evropian i Xhudos për të rritur do të zhvillohet në Prishtinë.

Sot zyrtarisht u nënshkrua marrëveshja për mbajtjen e Evropianit në Prishtinë në dhjetor të këtij viti, në kategoritë -57 kg dhe -73 kg.

Një gjë të tillë e ka bërë të ditur trajneri i njohur, Driton Kuka.

Kuka njoftoi se marrëveshja u nënshkrua këtë të martë nga Ministri i Kulturës, Rinisë dhe Sportit, Hajrulla Çeku, Presidenti i Federatës së Xhudos, Agron Kuka, dhe Presidenti i Federatës Evropiane, Laslo Thot.

“Sot edhe zyrtarisht u nënshkrua marrëveshja për mbajtjen e Evropianit në Prishtinë në dhjetor të këtij viti! Ministri Çeku,Presidenti i Federatës Evropiane Laslo Thot dhe Zv. Presidenti Hrvoje Lindi si dhe Presidenti ynë Agron Kuka spt nënshkkruan marrëveshjen për organizimin e Evropianit në Kosovë! Elita e xhudos Evropiane vjen në Ks në garën më të madhe Sportive deri tash të mbajtur në Kosovë”, thuhet në njoftim.

Kjo garë është pjesë e Projektit “ Kosova – Judo Nation”./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm