Finalja e Kupës së Kosovës zhvillohet më pesë qershor

16:37 | 23 Maj 2023
Orgesa Haziri

Federata e Futbollit të Kosovës ka caktuar datën se kur do të mbahet finalja e Kupës së Kosovës në futboll.

Takimi ndërmjet Gjilanit e Prishtinës zhvillohet më pesë qershor në ora 18:00, në stadiumin “Fadil Vokrri”.

Në bazë të shortit, SC Gjilani në këtë takim do të jetë në cilësi të vendasit dhe do të luajë me fanella të kuqe, derisa FC Prishtina në cilësi të mysafirit do të luajë me fanella të bardha.

Në këtë takim është bërë edhe ndarja e tribunave për tifozeritë e organizuara, ku “Skifterat” e SC Gjilanit, do të vendosen në tribunën veriore, derisa “Plisat” e FC Prishtinës, do të vendosen në tribunën jugore.

Çmimi i biletave të finales është si vijon: Tribuna perëndimore 10 euro, tribuna lindore 5 euro dhe jugu e veri nga 3 euro./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm