Policia konfiskon 12 motoçikleta në rajonin e Prishtinës

12:10 | 22 Maj 2023
E.H

Policia e Kosovës njofton se ka konfiskuar 12 motoçikleta në rajonin e Prishtinës.

Konfiskimi i tyre është bërë në kuadër të angazhimeve policore për ngritjen e sigurisë në trafik.

Po ashtu, në kuadër të këtyre angazhimeve janë shqiptuar 13 gjoba.

Sipas njoftimit, Njësiti Rajonal i Trafikut rrugor, po vazhdon me implementimin e planeve operative për kontrollin e shtuar në trafik me fokus të veçantë ndaj ngasësve të motoçikletave.

“Angazhimet për sigurinë në trafik do të kenë shtrirje në të gjitha rrugët e rajonit të Prishtinës dhe do të vazhdojnë deri sa të vlerësohet që është arritur efekti i dëshiruar”, thuhet në njoftimin e Policisë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm