6 të plagosur në një aksident në Shqipëri

18:39 | 21 Maj 2023
Orgesa Haziri

Një aksident i rëndë ndodhi pasditen e kësaj të diele në Qafë Thanë.

Burime zyrtare të policisë bëjnë të ditur se në aksident u përfshi një autobus dhe një makinë Benz.

Nga përplasja automjeti, që drejtohej nga një 28-vjeçar u përfshi nga flakët, duke lënë të plagosur 6 personat që ndodheshin në të.

Ata u transportuan drejt spitalit për ndihmë mjekësore.

2 prej të plagosurve, janë në gjendje të rëndë dhe u nisën drejt Tiranës.

Sa i përket autobusit, nuk dihet sa persona kishte në të, megjithatë policia tha se nga ky mjet nuk ka persona të lënduar, por vetëm dëme materiale.

Autoritetet policore kanë nisur hetimet për zbardhjen e rrethanave të kësaj ngjarjeje./tvklan.al/

Shpërndaje në rrjete sociale

Lajmet më të lexuara

Të ngjashme

Foto lajm