Presidentja e Republikës së Kosovës, Vjosa Osmani, ka pritur në takim zëvendëspresidentin e Parlamentit Evropian, Rainer Wieland.
“Në takim u bisedua për procesin integrues të Republikës së Kosovës në Bashkim Evropian, si dhe zhvillimet e fundit në vend dhe rajon. Presidentja Osmani shprehu mirënjohjen e Kosovës për mbështetjen e vazhdueshme të Parlamentit Evropian për integrimin e Kosovës në BE, ndërsa ka ritheksuar nevojën që kjo mbështetje të vazhdojë”, thuhet në njoftimin e Presidencës.
Ndër të tjera, Presidentja Osmani ka potencuar përkushtimin e palëkundur të popullit dhe institucioneve të Republikës për integrim në Bashkimin Evropian, e reflektuar edhe në bashkërendimin e plotë me politikat e jashtme dhe të sigurisë me ato të BE-së. Tutje, Presidentja Osmani ka folur mbi angazhimin e Republikës së Kosovës për paqe dhe stabilitet afatgjatë në rajon./Arbresh.info/
SHBA dërgon trupa shtesë në Lindjen e Mesme
Çeku për stadiumin në Gjakovë: Po zhvillohen punime me dinam...
Laboratori i drogës në Prishtinë, nga një muaj paraburgim pë...
Specialja cakton panelin e Gjykatës Kushtetues mbi dënimin e...
Rama në OKB: Shqipëria ishte viktimë e sulmeve kibernetike n...
Osmani takon Bill dhe Hillary Clinton: Liria e popullit ton...