Policia e Kosovës sot rreth orës 14:50 ka ndaluar një automjet të tipit Audi në rrugën “UÇK” në Prishtinë nën dyshimin për posedim të substancave narkotike.
Gjatë realizimit të kontrollit në automjet janë gjetur dhe sekuestruar shtatë paketime të vogla me peshë rreth katër gram, të dyshuar si substancë narkotike e llojit kokainë.
Në vazhdën e angazhimeve policore antidroga e PK-së në konsultim me prokurorin kujdestar të Prokurorisë Themelore të Prishtinës, kanë realizuar një operacion kontrolli edhe në shtëpinë dhe banesën e drejtuesit të automjetit me inicialet B.S., në Prishtinë, ku janë gjetur dhe sekuestruar:
Substanca narkotike e dyshuar se është kokainë, e ndarë në disa pjesë, me peshë të përbashkët rreth (570) gram, me vlerë tregu vendor rreth (57,000) Euro, tri peshore digjitale, 1,000 Euro para kesh, 18 Dollar amerikan, 160 Franga zvicerane, 20 Funta angleze,20 dinar serb.
“Marrja e provave dhe procedurat tjera janë kryer nga njësia e Forenzikes. Me vendim të prokurorisë i dyshuari ndalohet në mbajtje për vazhdimin e hetimeve të mëtutjeshëm”, thuhet në njoftim./Arbresh.info/
Llapi transferon Gentrit Limanin
Caktohet seanca e shqyrtimit fillestar për sulmin terrorist ...
Për tri ditë rruga Prizren-Prevallë do të mbyllet për qarkul...
Ancelotti tregon hapur se ku qëndron problemi për fillimin e...
Miratohet logoja e Kuvendit të Kosovës
Numri i refugjatëve në Gjermani arrin 3.5 milionë