Moska tha të shtunën se Kievi përdori raketa britanike me rreze të gjatë veprimi për të synuar objektet civile në qytetin lindor të Luhansk, duke plagosur gjashtë fëmijë.
Ministria e Mbrojtjes deklaroi se të premten në mbrëmje forcat e armatosura të Ukrainës kishin goditur dy ndërmarrje civile, shkruan The Moscow Times.
“Raketat “Storm Shadow” të Kievit nga Britania e Madhe janë përdorur për sulmin, pavarësisht deklaratave të Londrës se këto armë nuk do të përdoren kundër objektivave civile,” thuhet në një deklaratë.
“Ndërtesat e banimit aty pranë u dëmtuan. Civilë u plagosën, duke përfshirë gjashtë fëmijë,” thuhej ndër të tjera.
Mësohet se një avion Sukhoi Su-24 që mbante raketat dhe një avion MiG-29 ishte rrëzuar.
Duke njoftuar se do të dorëzonte armën me goditje të thellë të lëshuar nga ajri, Britania u bë vendi i parë që i dha Kievit armatim me rreze më të gjatë. Rusia e quajti këtë veprim një “hap jashtëzakonisht armiqësor”./abcnews.al/
Parashikimi i motit për të premten
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...