Kryeministri i Kosovës, Albin Kurti bashkë me ministren e Ekonomisë Artane Rizvanolli dhe administratoren e USAID-it, Samantha Power, që po qëndron në Kosovë për vizitë kanë shpallë ankandin për parkun me energji solare me kapacitet prej 100MË.
Në një konferencë për media, Kurti fillimisht i uroi mirëseardhje Power, derisa ftoi kompani vendore e ndërkombëtare për këtë ankand.
“Tashmë është e padiskutueshme se siguria energjetike është siguri kombëtare. Rruga drejt së cilës jemi nisur është ajo e pavarësimit nga lëndët fosile të shteteve autokrate, të cilëve iu leverdis varësia energjetike e Europës. Kërcënimet në rritje të ndryshimeve klimatike e bën edhe më urgjent këtë nevojë”.
Kurti falënderoi SHBA-të për ndihmën në këtë fushë derisa tha se është një aleat i fuqishëm “që janë dëshmuar edhe sa i përket zhvillimit tonë të gjithëmbarshëm edhe sa i përket ndërtimit të demokracisë sonë”.
“Po jetojmë në dekadat më kritike të zhvillimit të hovshëm të energjisë derisa po ecim krah për krah me shtetet e zhvilluara perëndimore për t’iu bërë ballë këtyre zhvillimeve. Shpalljen e këtij ankandi po e bëjmë në një moment shumë të rëndësishëm për vendin tonë kur po marrim një ndër hapat kryesorë drejt tranzicionit të gjelbër dhe drejt investimeve më të mëdha në sektorin tonë të energjisë ndër dekada”. /Arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite