Google ADS

Haradinaj kujton betejën e 12 majit 1998: Respekti për sakrificën e tyre sublime do të jetë i përhershëm

10:41 | 12 Maj 2023
A. B.

Kreu i Aleancës për Ardhmërinë e Kosovës, (AAK), Ramush Haradinaj ka kujtuar betejën e zhvilluar më 12 maj 1998 në Ratkoc, Vrajakë, Bratotin e Malësi të Vogël.

Sipas tij, kjo betejë shënoi një kapitull të ri për luftën tonë çlirimtare në Zonën Operative të Pashtrikut.

“Atë ditë ranë heroikisht; Milaim Krasniqi dhe Elmi Morina. Një vit më pas, ra dëshmor një nga luftëtarët më të zotë të UÇK-së në rrethin e Anadrinisë, Bedrush Gashi. Me të drejtë, 12 maji shënohet si Ditë e Dëshmorëve në Komunën e Rahovecit”.

“Po ashtu në të njëjtën datë, më 1998, u përjetësua udhëheqësi i njësiteve të hershme guerile të UÇK-së, Agron Rrahmani. Agroni që u vu në ballë të organizimit të Luftës Çlirimtare, mbetet përgjithmonë shembull qëndrese dhe atdhedashurie”.

Haradinaj ka shprehur respekt dhe mirënjohje për të gjitha atë që luftuan dhe ranë për lirinë e Kosovës. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm