Ish presidenti i Kosovës, Behgjet Pacolli ka bërë me dije se ka filluar ndërtimi i 10 shtëpive të reja nga përmbytjet në Skenderaj.
Fondacioni “Behgjet Pacolli” dhe Shoqata “Jetimat e Ballkanit” në krye me Halil Kastratin kanë filluar ndërtimin e shtëpive në Skenderaj dhe Mitrovicë për familjet e prekura nga vërshimet e janarit. Fillimisht ka filluar ndërtimi i 10 shtëpive të reja dhe rinovimin i 10 të tjerave që u dëmtuan pjesërisht nga përmbytjet. Së shpejti do të fillojë ndërtimi i shtëpive të tjera në komunat tjera”, tha Pacolli në një shkrim në llogarinë e tij në “Facebook”.
I pari i AKR-së, falënderoi të gjithë donatorët e përhershëm të dy fondacioneve që ishin të gatshëm të kontribojnë në këtë nismë fisnike.
Pacolli tha se shumë shpejt do të organizojnë një takim falënderues për donatorët.
“Fondacioni “Behgjet Pacolli” dhe shoqata “Jetimat e Ballkanit” së shpejti do të organizojnë një takim falënderues me donatorët që i janë bashkuar nismës pa hezitim”, ka shkruar ai.
Ndryshe mbi 300 familje në Skenderaj ishin prekur nga përmbytjet e 19 janarit./Arbresh.info/
lexo edhe:
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...