Laura Fazliu ka mbetur pa medalje në Kampionatin Botëror të xhudos.
Garuesja kosovare është mposhtur edhe në luftën e repesazhit, në kërkim të medaljes së bronztë.
Ajo u dorëzua përballë hungarezes Szofi Ozbas në kategorinë deri në 63 kilogramë.
Laura arriti të shkonte deri në çerekfinale, por u ndal aty duke u pësuar dy humbje radhazi.
Krahas humbjes nga hungarezja për medalje të bronztë, Fazliu u mposht edhe nga sllovenia Andreja Levski në çerekfinale.
Paraprakisht, Laura në rrethin e parë e eliminoi garuesen Nadia Matchiko Guimendego, ndërsa në atë të dytë ishte më e mirë se Iva Obertan, e në atë të tretë e mposhti brazilianen Ketleyn Quadros.
Kështu, Kosova mbeti pa medalje edhe pas ditës së sotme në Botërorin e Katarit.
Paraprakisht, në këtë eveniment garuan edhe kampionet olimpike, Nora Gjakova e Distria Krasniqi, si dhe garuesit tjerë, Akil Gjakova, Erza Muminoviq e Flaka Loxha.
Kosovën në këtë Botëror do ta përfaqësojë edhe Loriana Kuka./GE/
Kryesia e Kuvendit të Kosovës do të mblidhet të hënën
Tiranë: 62-vjeçari vdes në rrugë
Llapi transferon Gentrit Limanin
Caktohet seanca e shqyrtimit fillestar për sulmin terrorist ...
Për tri ditë rruga Prizren-Prevallë do të mbyllet për qarkul...
Ancelotti tregon hapur se ku qëndron problemi për fillimin e...