Google ADS

Përplaset me tragetin e linjës Durrës-Bari, fundoset anija e peshkimit në ujërat e Adriatikut

09:13 | 10 Maj 2023
A. B.

Një anije peshkimi është mbytur natën e kaluar në ujërat e Adriatikut afër portit të Durrësit.

Deklarohet se anija e peshkimit u godit nga njëri prej trageteve të linjës Durrës-Bari. Përplasja shkaktoi çarje të saj, ndërsa tre peshkatarët, dy durrsakë dhe një egjiptian arritën të braktisin në kohë anijen ‘Eltoni”, që po fundoste në ujë, duke përdorur një zader, mjet i vogël shpëtimi.

Ngjarja ndodhi afër mesnatës në dalje të portit, pranë fenerit, ndërsa njoftimi u dha nga familjarët e shqetësuar të peshkatarëve, pasi kishin humbur kontaktet me ta.

Një operacion kërkim-shpëtimi u organizua më pas nga autoriteti portuale, duke mundësuar gjetjen dhe nxjerrjen në breg të peshkatarëve të anijes “Eltoni”.

Pasi u shpëtuan nga rreziku i mbytjes, të tre u dërguan për një kontroll shëndetësor në spitalin e Durrësit. /Tch/

Shpërndaje në rrjete sociale

Lajmet më të lexuara

Të ngjashme

Foto lajm