Në kuadër të pjesëmarrjes në pritjen e dhënë nga Mbreti i Mbretërisë së Bashkuar, Charles III dhe Mbretëresha Camilla për Krerët e Shteteve që po marrin pjesë në ceremonitë e kurorëzimit të tyre në Fronin Mbretëror, Presidenti Bajram Begaj, u takua dhe bashkëbisedoi me Mbretin Charles III, Princ William.

Begaj u takua edhe me presidentin e Gjermanisë, Frank-Walter Steinmeier, presidentin e Austrisë, Alexander Von der Bellen, presidenten e Komisionit Evropian, Ursula von der Leyen, presidentin e Hungarisë, Victor Orban, presidenten e Kosovës, Vjosa Osmani, kryeministrin e Australisë, Anthony Albanese, e të ftuar te tjerë.

Në bashkëbisedimin e rastit me ta,  Begaj nënvizoi rolin e Shqipërisë në rajon si faktor paqeje dhe stabiliteti, si dhe shkëmbeu opinione mbi sfidat aktuale me të cilat po përballet rendi botëror dhe vlerat e përbashkëta.

Mbreti Charles dhe Camilla kanë mbërritur në “Westminster Abbey”. Në hyrjen e veçantë të gjithë të pranishmit u çuan në këmbë, teksa Camilla dhe Mbreti Charles ecnin përgjatë sallës drejt karigeve të kurorëzimit./Euronews