Kush nga Kosova e kishte shijuar titullin në Itali para Rrahmanit?

08:30 | 5 Maj 2023
K.B

Amir Rrahmani gjatë mbrëmjes së të enjten u shpall kampion me Napolin në Itali, duke e fituar këtë titull pas një mungese 33 vjetësh.

Por, Rrahmani nuk qe kosovari i vetëm që e ka fituar këtë titull. Titullin e kampionit e ka shijuar edhe Naim Kryeziu me Romën në sezonin 1941-1942.

Kryeziu ishte nga qyteti i Gjakovës, i cili në një moshë të re kishte shkuar në Tiranë për të vazhduar karrierën. Pasi Italia e pushton Shqipërinë në vitin 1939, ai vërehet nga një profesor italian i sportit dhe propozohet te Roma.


Ai me Romën kishte zhvilluar 122 paraqitje teksa kishte realizuar 27 gola. Më vonë në sezonin 1963-64 ishte edhe trajner i kësaj skuadre.

Kryeziu kishte vdekur në Romë në moshën 92-vjeçare në vitin 2010.

Ndryshe, ai e kishte shijuar titullin e parë historik që e kishte arritur Roma./kk

Shpërndaje në rrjete sociale

Lajmet më të lexuara

Të ngjashme

Foto lajm