Kryetari i Partisë Demokratike të Kosovës, Memli Krasniqi ka takuar sot kryetarët e Degëve të PDK-së me të cilët kanë diskutuar për çështjet aktuale, zhvillimet politike në nivel lokal dhe vendor.
Me anë të një postimi në rrjetin social Facebook, Krasniqi tha se largimi nga vendi i qytetarëve është si pasojë e qeverisjes së paaftë.
Ai shtoi se Qeveria Kurti, nuk po realizon asnjë nga premtimet e shumta që kishte dhënë para qytetarëve.
“Duke u nisur nga vizitat që kam bërë gjithandej nëpër Kosovë, si dhe nga takimet e përditshme që kanë kryetarët e Degëve të PDK-së më bashkëqytetarët e tyre, ndamë shqetësimin e përbashkët për rritjen enorme të numrit të qytetarëve që po largohen nga Kosova për shkak të qeverisjes së paaftë të nivelit qendror e cila nuk po mbështetë projektet e komunave si dhe nuk po realizon asnjë nga premtimet e shumta që kishte dhënë para qytetarëve”, ka shkruar Krasniqi.
Sipas Krasniqit Kosova nuk mund të bëjë hapa përpara pa kapacitetet dhe energjinë e rinisë.
“Kosova nuk do të mund të bëjë hapa përpara pa kapacitetet dhe energjinë e rinisë, e cila është motori i zhvillimit dhe avancimit të shtetit tonë. Është obligim i secilit prej nesh që të angazhohemi në këtë drejtim për ta rikthyer besimin te mundësitë që ofron vendi ynë”, ka shkruar Krasniqi./Arbresh.info/
Kusari-Lila thotë se Qeveria Kurti ia çjerri maskën Vuçiqit ...
Sinani: Nga nesër nis grumbullimi i qenve endacak në Preshev...
Rama takim nesër me kryebashkiakët socialistë dhe drejtuesit...
Flick ka katër opsione për ta zëvendësuar Olmon e lënduar nd...
I dyshuari për atentat ndaj Trumpit akuzohet për dy vepra pe...
Bislimi udhëton në Bruksel, nesër takimi në kuadër të dialog...