Google ADS

Sekuestrohen 13.7 kg heroinë në Portin e Durrësit

15:03 | 30 Prill 2023
A Z

Efektivëve të policisë në Portin e Durrësit iu deshën mjete prerëse për të hapur këtë hapësirë të veçantë në autobusin e linjës së këtij qyteti drejt Milanos.

Brenda saj ishin fshehur 26 pako me heroinë me një peshë totale prej 13.7 kilogramë.

Në pranga u vendos menjëherë shoferi i autobusit, 57-vjeçari P. R. Më pas policia ndaloi edhe pronarin e linjës së autobusëve, M.P, 32-vjeç banues në Rrogozhinë. Nga kontrolli, këtij të fundit u gjet edhe një sasi kokaine me vete.

8 celularë në përdorim të të ndaluarve janë sekuestruar me qëllim identifikimin e të tjerë personave të përfshirë në këtë rrjet.

Ndaj dy të arrestuarve rëndojnë akuzat për veprat penale “Trafikimi i lëndëve narkotike”, kryer në bashkëpunim dhe “Prodhimi dhe shitja e narkotikëve”.

Policia thotë se kalimi për kontroll me mjete të specializuara në vijën e dytë të autobusit u bërë në bazë të analizës së riskut, por edhe nga të dhënat e marra nga inteligjenca informative./Tv Klan

 

Shpërndaje në rrjete sociale

Lajmet më të lexuara

Të ngjashme

Foto lajm