Presidentja e Republikës së Kosovës, Vjosa Osmani është pritur në takim nga kryetari i Kuvendit të Maqedonisë së Veriut, Talat Xhaferi.
Xhaferi përmes presidentes Osmani ka uruar qytetarët e Kosovës për liberalizimin e vizave.
Me anë të një postimi në rrjetin social Facebook, Xhaferi bëri të ditur se ka përshëndetur marrëveshjen mes Kosovës dhe Serbisë.
“Republika e Maqedonisë së Veriut në vazhdimësi ka qëndrim afirmativ për aderim in e Republikës së Kosovës në të gjitha organizatat dhe nismat multilaterale dhe rajonale, a mbështetja e këtillë do të vazhdojë edhe në të ardhme”, ka shkruar Xhaferi, përcjell Arbresh.info.
Postimi i tij i plotë:
Presidentes së Republikës së Kosovës, Vjosa Osmani dhe qytetarëve të Kosovës u drejtova urime të sinqerte për vendimin për liberalizimin e vizave me Bashkimin Evropian me të cilin mundësohet udhëtim i lirshëm në vendet e BE-së, vendim i cili është me rëndësi thelbësore për integrimin e Kosovës në BE.
E përshëndeta edhe marrëveshjen e arritur për pranimin e propozimit të Bashkimit Evropian për normalizimin e marrëdhënieve ndërmjet Kosovës dhe Serbisë, me çka do të garantohet paqja, stabiliteti, siguria dhe përparimi, jo vetëm i dy vendeve por edhe rajonit në tërësi.
Republika e Maqedonisë së Veriut në vazhdimësi ka qëndrim afirmativ për aderim in e Republikës së Kosovës në të gjitha organizatat dhe nismat multilaterale dhe rajonale, a mbështetja e këtillë do të vazhdojë edhe në të ardhme.
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...