Kryeministri i vendit, Albin Kurti ka njoftuar se Kosova e ka kaluar me sukses fazën e parë të anëtarësimit në Këshillin e Evropës.
Përmes një postimi në rrjetin social Facebook, Kurti ka bërë të ditur se Komiteti i Ministrave të shteteve anëtare, i ka dhënë mbështetje aplikimit të Kosovës me mbi ty të tretat e votave, përcjell Arbresh.info.
“Komiteti i Ministrave të shteteve anëtare, me mbi dy të tretat e votave të nevojshme, i dha sot mbështetje aplikimit të Kosovës në Këshillin e Evropës, duke përmbyllur kështu fazën e parë të anëtarësimit të plotë të Republikës sonë në këtë organizatë të rëndësishme ndërkombëtare”, tha Kurti.
Tutje, Kurti ka falënderuar ministren e Punëve të Jashtme, Donika Gërvallën dhe ekipin për punën e pandërprerë.
“Shteti ynë do të jetë vlerë e shtuar për Këshillin e Evropës. Këshilli i Evropës do t’i shtojë vlerë demokracisë, të drejtave të njeriut dhe sundimit të ligjit në shtetin tonë. Falënderoj ministrinë e Punëve të Jashtme dhe Diasporës, ministren Gërvalla, zëvendësministrin Ahmeti dhe ekipet e tyre për punën e pandërprerë, si dhe partnerët tanë e shtetet anëtare, për përkrahjen e pakursyer”, shkruan Kurti./Arbresh.info/
Ushqimet e duhura për të shmangur ftohjen
Alexander-Arnold i përgjigjet raportimeve se po synon blerje...
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent