Presidenti i Federatës së Hendbollit të Kosovës, Eugen Saraçini ka reaguar pas përleshjes që ndodhi në ndeshjen ndërmjet Trepçës dhe Vushtrrisë.
Kjo ndeshje u ndërprerë, pasi lojtarët filluan të përleshen me njëri-tjetrin.
Përleshja nisi teksa u ndal një faull për Vushtrrinë, derisa situata doli jashtë kontrollit me tifozët që filluan të hidhnin gjëra në parket, madje disa prej tyre iu bashkuan përleshjes.
Hendbollistët e Trepçës janë larguar dhe ndeshja u anulua.
Saraçini tha se duhet të merren masa të rrepta për këtë incident.
“Dhuna e cila u shfaq në ndeshjen mes Vushtrrisë e Trepçës na la shije shumë të hidhur. Incidentet, huliganizmi në mesin e lojtarëve dhe tifozëve, padyshim i sjell hije jo të mirë organizimeve të tilla. Por, nuk duhet përgjithësuar, ndaj duhet marrë masa të rrepta ndaj secilit që e dëmton klubin, qytetin, tifozët e sidomos familjet e lojtarëve si nga vendi ashtu edhe ata të cilët vijnë nga vende te tjera për të ushtruar hendbollin te ne”, tha ai.
Ndeshja u ndërpre në pjesën e dytë me Trepçën që po udhëhiqte 21:17./Arbresh.info/
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...