Një person dyshohet se ka rënë në kanalin e Ibrit, policia nis kërkimet

15:49 | 22 Prill 2023
K.B

Një person dyshohet se ka rënë në kanalin e Ibrit në fshatin Zupç.

Lajmin për Arbresh.info e ka konfirmuar zëdhënësi i policisë Bajram Krasniqi.

Krasniqi tha se rastin në polici e ka raportuar vëllai i tij, i cili ka thënë se 63-vjeçari ka dalë pasditen e së dielës nga shtëpia dhe nuk është kthyer më.

“Në ora 08:40, ankuesi S.R., ka shkuar në polici dhe ka njoftuar se vëllai i tij P.R., (1960), dje më 21.04.2023, rreth orës 17:45 ka dalë nga shtëpia dhe nuk është kthyer më. Ankuesi dyshon se mos vëllai i tij ka rënë në kanalin e Ibrit, në fshatin Zupq”, tha Krasniqi.

Ai shtoi se policia ka filluar kontrollimin e zonës dhe në ora 13:20 atje kanë shkuar edhe tre zhytës. Kërkimi është duke vazhduar.

Shpërndaje në rrjete sociale

Lajmet më të lexuara

Të ngjashme

Foto lajm