Sot luhen ndeshjet e kthimit, finalja synohet në Prishtinë dhe Gjilan

09:13 | 19 Prill 2023
K.B

Sot do të zhvillohen dy ndeshjet e kthimit në kuadër të gjysmëfinaleve të Kupës së Kosovës në futboll.

Gjilani është nikoqir i Llapit në kryendeshjen e kësaj faze në stadiumin me bari sintetik në Gjilan.

“Skifterat” triumfuan 1:2 në takimin e parë në stadiumin “Zahir Pajaziti” dhe kanë një avantazh ndaj Llapit, shkruan lajmi.net

“Kuqebardhët” do ta synojnë kualifikimin në finale pas një periudhe 20-vjeçare, ndërsa Llapi për herë të tretë radhazi.

Takim tjetër interesant pritet të zhvillohet në kryeqytet me Prishtinën që e pret Vushtrrinë në stadiumin “Fadil Vokrri”.

Prishtina që tashmë po drejtohet nga trajneri Debatik Curri fitoi 1:2 me përmbysje në aktin e parë dhe janë me një këmbë në finale të Kupës së Kosovës.

Të dy ballafaqimet zhvillohen me fillim nga ora 15:00.

Shpërndaje në rrjete sociale

Lajmet më të lexuara

Të ngjashme

Foto lajm