Google ADS

Rodrygo “fundos” Chelsean në “Stamford Bridge”

22:53 | 18 Prill 2023
Orgesa Haziri

Dy gola nga Rodrygo kanë parë që Real Madrid të kualifikohet në gjysmëfinale të Ligës së Kampionëve.

Në ndeshjen e zhvilluar në “Stamford Bridge”, Reali fitoi me rezultat 2:0, derisa “Mbretërit” shkojnë përpara me shifrat 4:0.

Chelsea e dominoi ndeshjen, por Reali u treguan më të mirë me kundërsulme.

Kante e pati mundësinë më të mirë në pjesën e parë, por goditja e tij përfundoi jashtë.

Skuadra e Frank Lampard u duk se morën epërsinë, por gjuajtjen e Cucurellas e ndali Thibaut Courtois.

Reali në pjesën e dytë ndëshkoi Chelsean me dy gola të Rodrygos.

Fillimisht ai shfrytëzoi një pështjellim në zonë, për 1:0, derisa e dyta erdhi në dhjetë minutat e fundit kur Rodrygo e përfundoi një aksion të ndërtuar mirë nga skuadra e Ancelottit.

Reali në gjysmëfinale e pret fituesin e përballjes Bayern – Manchester City./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm