Google ADS

Tejkalim i shpejtësisë në Gjilan, kundërvajtësit i merret patentë shoferi për tre muaj

08:47 | 18 Prill 2023
K.B

Në kuadër të zbatimit të Planit Operativ ,,Sezoni Veror’’ dhe “Siguria në trafikun rrugor’’ me qëllim të parandalimit të aksidenteve të trafikut e me theks të veçantë atyre me fatalitet, gjatë një pike kontrolli të automjeteve në fshatin Miresh rruga për Kamenicë është ndaluar një kundërvajtës i cili në zonën ku është kufizimi i shpejtësisë 50 km/h ka vozitur me shpejtësinë 103 km/h.

Sipas një njoftimi nga Policia e Kosovës thuhet se të njëjtit i është shqiptuar gjoba në vlerë prej 300 eurove, si dhe i është konfiskuar patentë shoferi dhe masa e përkohshëm e ndalim vozitjes në afat prej tre muaj, dhe tri pikë negative.

Drejtoria Rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm