Kryetari i Kuvendit të Republikës së Kosovës, Glauk Konjufca, sot ka pritur në takim ministrin e Drejtësisë të Danimarkës, Peter Hummelgaard dhe Komisionin për Legjislacion të Parlamentit danez me të cilin biseduan për nënshkrimin e marrëveshjes ndërkombëtare mes dy shteteve.
Në një njoftim në “Facebook”, thuhet se Konjufca potencoi arritjet e Kosovës në shumë fusha.
“Duke përmendur hapat e ndërmarrë për të bërë Kosovën pjesë të familjes së madhe evropiane, kryetari Konjufca specifikoi se mbështetja e shteteve si Danimarka është shumë e rëndësishme në këtë rrugëtim”, thuhet në postim.
Marrëveshja mes Kosovës e Danimarkës për 300 qeli burgu në proces të finalizimit, muajt e ardhshëm dërgohet në Kuvend për ratifikim
Tutje në postim bëhet e ditur se nënshkrimin e marrëveshjes ndërkombëtare mes Kosovës dhe Danimarkës, Konjufca e konsideroi hap shumë të rëndësishëm, për të cilën tha, “intensifikon bashkëpunimin midis dy shteteve në fushën e drejtësisë, por edhe në fusha të tjera të interesit të përbashkët”.
Kreu i Kuvendit tha se ekziston vullnet i përgjithshëm për ta mbështetur këtë marrëveshje dhe për të filluar sa më parë implementimin e saj”.
Po ashtu bëhet e ditur se arritja e kësaj marrëveshjeje të bashkëpunimit u vlerësua mjaft e rëndësishme edhe nga përfaqësuesit e Parlamentit të Danimarkës dhe ministri danez i Drejtësisë.
Ndryshe, Kosova dhe Danimarka më 20 dhjetor 2021 nënshkruan një letër-pëlqim, sipas të cilit, 300 qeli burgu të Kosovës do t’i jepen në shfrytëzim shtetit të Danimarkës./Arbresh.info/
Sot shënohet Dita Ndërkombëtare e të Gjuhës së Shenjave
Si është të jesh shqiptar në Serbi?
Osmani ndan fotografi krahë presidentit amerikan: Aleancë që...
Bllokohen 24 prona dhe 11 objekte në Prishtinë, Graçanicë dh...
Sot fillon xhiro e shtatë në Superligën e Kosovës
Tre të vdekur nga një sulm rus në portin ukrainas