Mbappe flet për të ardhmen, tregon se a do të qëndrojë në PSG  

23:45 | 12 Prill 2023
Orgesa Haziri

Kylian Mbappe ka folur për të ardhmen e tij dhe për planet në Paris Saint-Germain.

Pas një sage të gjatë gjatë verës, francezi tani është nën kontratë me PSG deri në vitin 2025, por spekulimet se ai mund të largohet për në Spanjë në vitet e ardhshme ende nuk janë shuar.

Megjithatë, tifozët e PSG-së tani do të jenë të lumtur të dëgjojnë angazhimin e tij ndaj klubit.

“Niveli tjetër? Unë mendoj se niveli tjetër është fitimi i Ligës së Kampionëve me PSG-n. Unë jam parisien dhe me kontratë. Pra, është PSG”, tha ai.

Gjigantët francezë po i afrohen një tjetër titulli në Ligue 1, por pësuan largime zhgënjyese nga Champions League dhe Coupe de France javët e fundit.

Ambiciet e klubit në vazhdim mund të varen nëse 24-vjeçari i mbetet besnik fjalës së tij./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm